Kutxabank publikoa

Zigorrak arinegiak izan dira baina egin duten kaltea ezin nabarmenago geratu da publikoki: erro birakariak, lan egin gabe dirua jasotzea...

http://www.berria.eus/paperekoa/1736/004/001/2017-03-21/fernandez_cabieces_eta_alkorta_zigortu_dituzte_kutxabank_auzian.htm

Mario Fernandezek, Rafael Alkortak eta Mikel Cabiecesek prestaturikoa ez zen izan Kutxabanki zerbitzu bat eskaintzeko hitzarmena, Cabiecesi «diru laguntza» emateko bide hutsa baizik. Hori ebatzi du Kutxabank auzia epaitu duen Bizkaiko Probintzia Auzitegiko 6. atalak, eta «dirua bidegabe erabiltzeaz» errudun jo ditu Mario Fernandez Kutxabankeko presidente izandakoa, Mikel Cabieces Espainiako Gobernuaren ordezkari izandakoa eta Rafael Alkorta abokatua. Isunak eta espetxe zigorrak ezarri dizkiete —urtebetekoa Cabiecesentzat, seina hilabete Fernandez eta Alkortarentzat—, baina ez dute kartzelara joan beharko.

2012ko hasieran, Cabiecesek Espainiako Gobernuaren ordezkaritzaren ardura utzi eta gutxira, bi alderditako «goi mailako politikariek» telefonoz deitu zioten Mario Fernandez Kutxabankeko orduko presidenteari, eta Cabiecesentzat «lan irteera bat» bilatzeko eskatu zioten. Baina Kutxabankek Cabieces zuzenean kontratatzeari egoki iritzi ez eta Rafael Alkorta abokatuaren bulegora jo zuten. Kutxabankentzat aholkularitza lanak egiten zituen Alkortaren bulegoak. Cabieces hasi zen hilero Alkortaren bulegotik diru sariak kobratzen, eta bulegoak horren fakturak igortzen zizkion Kutxabanki, Cabiecesek bankuarentzat egindako lanak balira bezala.

...