Kutxabank publikoa

Askotan galdetu izan diogu gure buruari aurrezki kutxak eraisteko plan barruan zergatik Espainiako Bankuko langile guztiak isilik egon ziren eta ez zuten eraso honen aurka ahotsa altxatu.
Agian El Paisen albiste honekin ideia bat hartu ahal dugu, hor barruan egosten diren gauzak antzemateko:

elpais.com/economia/2019/12/18

"Espainiako Bankutik langile gutxi irtetzen edo kanporatzen dituzte eta normalean  diskretuak eta publizitaterik gabekoak izan ohi dira. Orain eskema guztiak hautsi dira Jorge Perez Ramirezekin; 1986an sartu zen erakundean, eta 2019ko uztailaren 31n kaleratu zuten. Kontabilitate Erregulazioko arduradunaren kanporaketa— hirugarren maila hierarkikoan zegoena —, Bankian elkartu ziren kutxen bat-egitean eraman zen prozesuan bere arduradunen jarreraren aurka azaldu zen  eta horrela adierazi zuen Audiencia Nacionaleko epaiketan. Baina azkenean, kaleratua izateagatik bere kasua Lan Arloko epaitegian amaitu da, eta eskandalu publikoa sortu da.

Perezen defentsak uste du bere kaleratzea muntaia eta mendeku bat izan dela Bankia Burtsara irteteagatik egindako epaiketan egin zituen adierazpen polemikoagatik, joan den maiatzean, kontuek bankuaren galerak islatzen ez zituztela esan zuenean. Era berean, 2010ean Bankiako kutxek beren galera handiak erreserben aurka kargatzearen aurka agertu zen, emaitzen aurka egin behar zutela uste baitzuen (zenbaki gorrietan jarriko zituen). Miguel Fernandez Ordoñez gobernadorearen kargu ikuskatzaileak ez zuen onartu bere kontabilitate buruaren jarrera.