Kutxabank publikoa

Zer da lege aurreproiektu bat?

Aurreproiektu bat edozein erakundek egin dezakeen proposamen bat baino ez da, adibidez, herritarrak izenpe bilketa baten bidez, elkarte bat, gobernu batek, etab. Kasu honetan, aurreproiektua Eusko Jaurlaritzak egin du.

Orain zein ibilbide dauka?

Argitaratu ostean, 8/2003 Legearen arabera arautzen da: Izaera Orokorreko Xedapenen Elaboraziorako Prozedura. 20 lanegun eskaintzen dira, argitaratzen denetik, hau da, 2015eko otsailaren 20 arte, ez zaigula gustatzen esateko (Alegazioak aurkeztea).

Nork aurkeztu ditzake?

Edozein herritar, erakunde edo elkartek aurkeztu dezakete.

Zein alegazio mota aurkeztu daiteke?

Edozein motatakoa, jakinda, noski, Eusko Jaurlaritzak onar ditzakeela eta lege proposamen bihurtzen denean sartu edo kasurik ez egitea. Gero, Legebiltzarrean diputatuak izango dira eztabaidatu egingo dutenak eta erabakiko dutenak.

Alegazioek zerbaiterako balioko dute?

Noski, horrela Jaurlaritzak herritarren iritzia zein den ikusiko dute. Horregatik eta gero eta herritar gehiagok egiten badugu, indar gehiago dugula erakutsiko dugu.

Nola egiten dira alegazioak?

Jaurlaritzaren webgunetik egiten dira:

http://www.irekia.euskadi.net/  Alta egin behar da. Erraza da izena eta posta elektronikoa besterik ez dira behar. Gero hemen sartu:

http://www.irekia.euskadi.net/eu/debates/1016-anteproyecto-ley-cajas-ahorros-fundaciones-bancarias-euskadi?stage=discussion

Bi gauza egin daitezke: “Ez zait gustatzen” klikatu edota arrazoitutako alegazio bat egin.

Zer esateko jakiteko www.kutxabankpublikoa.net hainbat iritzi ikusi ditzakezu. Aukeratu zuretzat garrantzitsuena dena, osatu (edo kopiatu eta itsatsi) “Kontrako argudioak” dioen gelaxkan.

255 karaktere baino ez dago baina nahi beste alegazio egin daitezke.

Ideia nagusi batzuk:

-Ez du Kutxabank ez pribatizatzeko babesten

-Ez ditu akzioak haien benetako jabeei itzularazten: udal eta aldundiak

-Ez dio itzultzen erabakitzeko ahalmena haien benetako jabeei: udal eta aldundiak

-Demokraziari egindako estatu kolpea babesten du, patronatukideek euren ondorengoak eurek aukeratzea ontzat ematen duelako

-Ez du kontrol bat ezartzeko balio, Fernandez eta Cabiecesekin gertatutakoa berriro gertatu ez dadin

- Ez du txintik esaten etxegabetzei buruz, pertsonei eta enpresei krediturik ez emateari buruz, enpresa estrategikoak eta etxeen zorroa fondo putreei “oparitzeari” buruz, etab.

.