Kutxabank publikoa

Kutxabank publiko eta soziala-9. berripapera-2016 Abendua

/includes/elFinder/php/../files/09_Kutxabank_Publikoa_Berripapera_Boletin.pdf

1. Banka Publikoari buruzko jardunaldia 16an, ostiralean, Bizkaiko Batzar Nagusien Aretoan

Aurrezki Kutxekin estatuan izan dugun nolabaiteko banka publikoa desagertzeko abian jarritako politika gelditu beharra dago. Ez dugu ahaztu behar, Alemanian, Frantzian, Holandan eta estatuan ere betidanik egon den sistema erdipublikoa (aurrezki kutxak eta kreditu kooperatibak) Europako eredu sozioekonomikoaren oinarria izan dela.

Jardunaldian gai honi buruz dauden azken albisteak eta oraingo egoera aztertuko da: EAEn Kutxabankekin, Nafarroako proiektua eta estatuko egoera (Bankiarekin eta Andaluzian landu den proposamena). Arratsaldean alderdi eta sindikatuek gai honi buruz duten ikuspegia azalduko dute.

Jardunaldiaren antolatzailea Ekoneus ekonomia elkartea da eta Kutxabank Publikoa Plataformak ekimen hau babesten du. Plataforma hau sindikatuek (EHNE – HIRU – ELA – LAB – ESK – STEILAS – CNT) eta  gizarte eragileek osatzen dute (AHT Gelditu, Berri Otxoak, Bilboko Auzo Elkarteen Federazioa, Denok lan, Pentsionisten Plataformak, Ezker Gogoa, IRPH Stop, Kontsumitzaileen elkarteak, M15, REAS, PAH Kaleratzerik ez!, STOP desahucios).            Banka Publikoa: Jardunaldia

2. Mozioak Bilbo, Donostia, Gasteiz eta hiru Batzar Nagusietan Kutxabank publikoaren alde

Kutxabank Publikoa Plataformak mozio bana aurkeztu zuen hiru hiriburuetako udaletan eta hiru batzar nagusietan. Zoritxarrez ez ziren onartu baina eztabaida interesgarria egoteko aukera egon zen: patronatu ez demokratikoak, akzioak ez daude erakunde publiko sortzaileen izenean…   Mozioak

3. Nor agintzen du Kutxabanken?Kutxabanken Administrazio Kontseiluan aldaketak egin dira baina lehen bezain antidemokratiko jarraitzen du: EAJ-PNVri, foru hauteskundeen emaitzen arabera 5 ordezkari dagozkio baina 10 dauzka, PSOEk 2 dagozkio eta 3 dauzka, PPri 1 dagozkio eta 2 dauzka. Bestetik Bilduri 3 eta Ahal Dugu-Podemosi 2 dagozkie eta ez daukate bat ere ez… BBK eta Vitaleko patronatuetan aldaketak egin dira eta berdin. Demokrazia?

4. Apirilean zoru klausulak betiko ezabatuta geratu ziren

Bankuek bezeroei iruzurra eginez kobratu dieten 5.200 milioi estatu osoan itzultzen ari dira, apirilean zoru klausulak ilegaltzat hartu ondoren. Lorpen hau ez da kasualitatez izan. Atzean mugimenduak egon dira, jo eta ke lanean, arlo guztietan, baita judizialean ere eta horien artean ADICAEri zorionak eman genizkien, eta berau ordezkatzen duen Manuel Pardori, lortutako garaipenagatik. Zorionak Adicae