Kutxabank publikoa

Ondare publikoa gauza garrantzitsua da. Tamalez, Eusko Jaurlaritza sortu zenean ikuspegi handiarekin sortu zituen bi enpresa, Gas de Euskadi eta Euskaltel, gas eta telefonia alorretan denonak izango ziren enpresak izateko eta horien onura euskal gizartean geratzeko.

Zoritxarrez, irabazi handiak ematen zituzten enpresa bakarrak (defizita ematen dutenak ez dira inoiz saltzen) saldu egin dira. Aitzaki moduan Europako Batasunak hori agintzen duela diote baina Alemanian, Frantzian, Italian ez dugu antzekorik ikusi. Adibidez, espainiar estatuko enpresa zen Endesa une honetan Italiako Gobernuarena den Enelek dauka, hau da, Espainiak saldu behar zuen eta Italiak eros dezake?? Zer da hau?

Europako Batasunak, argi dago, ez ditu herritarren eskubideak defendatzen, kontrakoa baizik eta hemengo gobernuak, kasu honetan, Eusko Jaurlaritza, hirugarren mailako jokalari moduan aritu da gai honetan, euskal herritarroi 1.200 milioiko galera sortaraziz eta puntako enpresa bi betirako galduz.

Gureak ziren bi enpresa hauek, Gas de Euskadi eta Euskaltel, esku desberdinetatik pasatu dira. Bakoitzean plusbalia handiak atera dituzte, kanpoko enpresek eta fondoek. Adibidez, EDP, gas enpresaren azken jabeak, 700 milioiko gainbalioak atera ditu eta Euskaltelen jabetza erdia izan zuten bi fondoek 500 milioi soilik bi urtetan irabazi zuten.

http://www.expansion.com/empresas/energia/2017/03/27/58d961d5268e3ed9608b4907.html