Kutxabank publikoa

Berria: Euskaltelen_pribatizazioa_ikertzeko_eskatu_dio_elak_fiskalburuari.htm

Euskaltelen azken urteetan egindako mugimendu bakoitza ikertzea nahi du ELA sindikatuak. Telekomunikazio enpresa burtsan kotizatzen hastea «pribatizaziorako» urrats gisa ikusten du sindikatuak, eta uste du epaitu egin behar direla «oraingo egoera» eragin duten erabakiak: «Botere politikoak izendaturiko pertsonak, herrian errotzearen aitzakiaz baliaturik, ondasun publikoak xahutzen aritu dira, etekinak sektore pribatura aldatzen». Hori dela eta, EAEko fiskalburuarekin bildu zen ELA atzo, Euskaltel auzia ezagutzera emateko.

Euskaltel bihar da burtsan kotizatzen hastekoa, eta, baldintza guztiak betez gero, akzioen %68,6 geldituko dira burtsan. Beteko direla dirudi, eskaera handia izan baitute azken asteetan. ELAk salatu du Euskaltelen hastapenetan euskal kutxak eta Eusko Jaurlaritza zirela enpresaren partaideak «ia %100ean», eta orain %68 «espekulazio funtsen» kontrolpean geldituko dela.

...