Kutxabank publikoa

Adrian Zelaiak horrela ikusten du estatuan abian jarri duten diru sarrera hau:

"Gizarteratzeko Gutxieneko Dirusarrera".
Egia esan, ez daukat batere argi bide ona denik. Zergatik laguntzeko obsesio hori enplegurik ez dutenei, enpleguaren alde borrokatu beharrean? Ez litzateke lehenetsi behar enpresak enplegua mantentzera bultzatzeko baliabideak bideratzea? Ez al dugu egin behar Bielorrusiak 0,5eko langabezia izateko egiten duena? Ez al dute hori egiten gorabidean dauden herrialdeek ere? Ez al da Alemaniak eta Europako beste herrialde batzuek KurzArbeitekin egiten dutena? Ez al da kooperatibek egiten dutena?

"Pesebrerismoan" zentratutako ezkerra ez da benetako ezkerra. Neurri horiek, berez, Elizak beti egin duen gauza bera egitea da, alegia, karitate kristauaren bidez sistemari eustea.

Hori bereziki  arriskutsua da etorkizunean dugun automatizazio azkarreko testuinguru batean. Izugarri errazten digu "lunpen" berri bat sortzea, subsidiatua, baina botere sozialik gabekoa eta sistematikoki produkzio-sistematik baztertua.