Kutxabank publikoa

Lehenengoa Euskadiko Gas enpresa izan zen. Orain Euskaltel. Denon diruaz sortutako bi enpresa, etekin handiak ematen zuten bi enpresa... "oparitu" dituzten bi enpresa.

Eusko Jaurlaritzak energia eta telekomunikazio alorrean enpresa indartsu bana sortu zituen. Erabaki estrategiko garrantzitsuak izan ziren eta laster, hartutako erabakia ekonomikoki ere onura handiak ekarriko zituela ikusi zen.

Tamalez, herritarren interesa babestu beharrean, enpresa bi horiek oparitzen joan dira eta, bidean, enpresa bi hauetako zuzendari batzuek diru galanta poltsikoratuko zituzten lapurreta hau onartzeagatik. Eta erabakia onartu zuten politikariek?

Orain Euskaltel desagertuta ehunka lanpostu galdu, hemengo hornitzaileek ere kolpe gogorra...

Eta lidergo falta izugarria. BBK, Vital eta Kutxa aurrezki kutxek Euskaltel sortzen lagundu zuten eta Kutxanbakek desagerrazi du. Horretarako sortu da Kutxabank? Hemengo enpresak saltzeko? Euskal enpresetako partaidetzak saltzeko? Enpresa berriak sortzen ez laguntzeko? Hemengo hornitzaileak aukeratu beharrean (Ibermatika), kanpokoak hobesteko (IBM)?

Eusko Jaurlaritza: zer hintzen eta non hago!