Kutxabank publikoa

Datorren 16an, ostiralez, Ekoneusek Kutxabank Publikoaren aldeko Plataformaren babesarekin, jardunaldi bat antolatu du Bilboko Batzar Nagusien egoitzan.

Banka Publikoari buruzko Jardunaldia

Abenduak 16

Bizkaiko Batzar Nagusiak (Hurtado Ametzaga 6, Bilbo)

10:00  Propietate publiko eta pribatua finantza sektorean. Adrian Zelaia, Ekai Center

11:00  Junta de Andalucian landutako proposamena: Antonio Maillo

11:15   Atsedena

11:45  Banca  Pública y Bankia. Rodolfo Riednik, ICADEko ekonomia irakaslea eta nazioarteko ekonomian masterduna

12:30 Banca pública entre todas: el papel de los mmss en el desarrollo de una banca pública. Iñigo Muerza-Nafarroako ATTAC

16:00  Mahai Ingurua: Euskal Herrian Banka Publikorik lortu ahal dugu?  Partaideak: alderdietako ordezkariak

OHARRA: Jardunaldian parte hartzea doakoa da baina gastuetan laguntzeko, bakoitzaren ahalmenaren arabera ekarpenak ongietorriak izango dira, adibidez 10-20 €

Aurrezki Kutxekin estatuan izan dugun nolabaiteko banka publikoa desagertzeko abian jarritako politika gelditu beharra dago. Ez dugu ahaztu behar, Alemanian, Frantzian, Holandan eta estatuan ere betidanik egon den sistema erdipublikoa (aurrezki kutxak eta kreditu kooperatibak) Europako eredu sozioekonomikoaren oinarria izan dela. Eredu hori herritarrentzat askoz onuragarriagoa izan da, adibidez, banka angloxajoiaren eredua duten estatuetakoa baino, sistema publikoa eta pribatua biak uztartu direlako.

Jardunaldian gai honi buruz dauden azken albisteak eta oraingo egoera aztertuko da: EAEn Kutxabankekin, Nafarroako proiektua eta estatuko egoera (Bankiarekin eta Andaluzian landu den proposamena). Arratsaldean alderdi eta sindikatuek gai honi buruz duten ikuspegia azalduko dute.

Jardunaldiaren antolatzailea Ekoneus ekonomia elkartea da eta Kutxabank Publikoa Plataformak ekimen hau babesten du. Plataforma hau sindikatuek (EHNE – HIRU – ELA – LAB – ESK – STEILAS – CNT) eta  gizarte eragileek osatzen dute (AHT Gelditu, Berri Otxoak, Bilboko Auzo Elkarteen Federazioa, Denok lan,  Pentsionisten Plataformak, Ezker Gogoa, IRPH Stop, Kontsumitzaileen elkarteak, M15, REAS, PAH Kaleratzerik ez!, STOP desahucios).