Kutxabank publikoa

08_Kutxabank_Publikoa_Berripapera_Boletin.pdf

1. Mario Fernandez eta Mikel Cabieces dirua bidegabe erabiltzeagatik epaituko dituzte

Mario Fernandez, Mikel Cabieces eta Rafael Alkortaren aurka kereila sartu zuten hainbat erakundek orain dela urtebete: LAB, ESK, Stee, EHNE Bizkaia, Hiru, Euskal Herriko Pentsiodunen Plataforma eta EKA kontsumitzaileen elkartea. Erakunde hauek ”Kutxabanken pribatizazioaren erabakia hartu zuten alderdiak, hots, EAJ, PSE-EE eta PP egin dituzte gertatutakoaren erantzule, Cabiecesi egindako «mesedea» alderdi horiek «euskal kutxak kapital pribatuari saltzeagatik» lorturiko «beste abantaila bat» delakoan.”

Orain 4. Instrukzio Auzitegiak jakinari duenez zantzu argiak daude epaiketa egiteko: dirua bidegabe erabiltzea, mesede politikoak erabiltzea…

Albistea Berrian                 Ekoneusen iritzia               

2. Kredituak bai, komisioak ere bai

Kutxabankeko arduradun berria den Bilalabeitia jaunak, Mari Fernandezek ez bezala, enpresetarako kredituaren txorrota berriro zabaldu du. Erabaki horri esker, gaur egun enpresak sarbide egokiagoa dute kreditua eskuratzeko. Beraz, zoriontzekoa da aldaketa egin izana eta Mario Fernandezen garai iluna, arlo horretan bederen betiko amaitu izana.

Albiste txarra ordea bezeroek gero eta gehiago jasaten dituzten komisioak dira. Soldatak izoztuta egon diren hiru-lau urte hauetan, komisioak etengabe igo ditu Kutxabankek, urtero %5 inguru. Orain adibidez, abonu batean izena jartzeagatik kobratu egiten dute!! Hori onartezina da eta eskatu nahi diogu Kutxabanki banku izaerari behingoz uzteko eta kutxen izpiritura eta praxira itzultzeko.

3. “Kutxabank: el saqueo a Euskal Herria” liburua

Aoztar Zelaieta kazetariak Berrian egin duen liburua aurkeztu du. Bere ustean, Euskaltelen ikusi dugun ondare publikoaren pribatizazioa da Kutxabankerako Mario Fernandezek prestatuta zuen bidea.

Helburu argia zuen: denona dena esku gutxitan geratzea, Euskaltelen ikusi dugun moduan. Hori guztia Kutxabank el saqueo a Euskal Herria liburuan jaso du. Bertan euskal politikaren eta enpresen arteko “loturak” erro birakorrak, mesedeak… ezagutzeko aukera dago. Irakurri beharreko liburua.          Berria

4. Kutxabanken Administrazio Kontseilua berriztuko da beste alderdiak baztertuz

Ekainean gaur egun Kutxanken Administrazio Kontseiluan dauden 3 kontseilari berriztatuko dira. Une honetan EAJk 10 dauzka, PPk 3 eta PSOEk 2 dauzkate. Orain hiru kidek utzi behar dute Kontseilua eta haien ordez, beste alderdiei zabaldu beharrean (Bildu, Podemos...) alderdi berekoak sartu nahi dituzte. Hau demokraziaren erabat kontra doa, erakunde publiko batean herritarren botoak kontuan hartu beharko liratekeelako.

Egin diren batzar nagusietako azken hauteskundeen arabera, EAJk dituen 10etik 5era jaitsi beharko litzateke, PSOEk orain dituen 2ekin jarraituko luke, PPk 2 utzi beharko lituzke, eta Bildu eta Podemos sartuko lirateke 3 eta 2 kideekin.   Gehiago irakurri