Kutxabank público

Original en euskera:

Anton Borjari esker onez

Denbora gutxi izan dugu elkar ezagutzeko, Kutxabank Publikoa ekimena dela eta ezagutu zintugun, euskal ekonomiaz kezkatuta. Bileretan beti zenuen txostenen bat komentatzeko: gure industriak duen teknologia mailarekin %50 desagertu daitekeela, Kutxabank pribatizatzea gure ekonomiarako izugarrizko kolpea izango zela, Euskaltel burtsara ateratzea enpresaren etorkizuna erabat kolokan jartzea dela… beti ondo informatuta eta gizarte ekonomia bultzatzeko ideiaren bat buruan.

Horrez gain, beti positiboki jokatu duzu, elkarteko beste kide batzuen kezka eta beldurrei erantzun egokiak eta taldeari indar handia emanez.

Eta EHUn ekonomialari asko daude baina gutxi zure modukoak: irakasteaz gain gizartean eragin, krisi larri honen aurrean esan beharrekoak esan, gizarte ekonomia bultzatzeko erakundeetan parte hartu…i

Kutxabank publiko, demokratiko eta sozialaren alde Donostian orain gutxi egindako biltzarra izango dugu zure ekimenaren eta talde lanaren betirako oroimena.

Ez adiorik

Ekoneus elkartekide lagunak